السقوط الى الحضيض

هاليومين حدي مستمتع بالأجازة ومريح مخي

طبعا انا صارلي مجاز مايقارب ال 14 شهر

لووووول

عفية اجازة

الاجازة كانت طويلة جذي نظرا لظروف خاصة

طبعا بما اني موظف بالقطاع الخاص الكل يسأل اشلون جذي وافقوا يخلونك طول هالفترة بس طبعا هذا

لان الشركة يدرون اني كفاءة ومايبي يفرطون فيني

لوووووووووووووووول ثقة حدي


بس الاجازة كانت كلها تعب وضيقة خلق بس هاليومين الاخيرين قااعد استمتع اشوي

وكا الاجازة قربت تخلص يعني كلها اسبووع

وبعدها نبلش دوام وواسطات فلان يبي خصم

فلان يبي جم يووم على ما يجدد الاكاونت

فلان يبي يسوي اب جريد جم يووم ببلاش

لووووووول

بذلهم من الحييين


المهم

قبل اشوي قااعد بروحي اطالع التليفزيون وتذكرت سالفة

وحدي فصلت من الضحك المشكلة اني بروحي ومحد يمي

قلت الحيين احد يطب علي يقوول مينون اشفييه هذا يضحك جذي


السالفة الي تذكرتها اول مرة اضحك عليها لي هالدرجة

الموضوع ومافييه

اني كنت بالمستشفى

وقضيت فييه فترة طويلة

وطبعا الستاف الي بالمستشفى يعاملوني معاملة خاصة جدا جدا جدا

والاسبااب متعددة لست في صدد ذكرها الان

وخلال هالفترة صاادف عيد ميلادي وانا بالمستشفى

طبعا اعرفت وحدة من الستاف ان باجر يكون ماي برث دي

جان تقووم وتقوول حق كل الستاف

وثاني يووم الصبح الكل يبارك ويغني وانا لازم اوزع علييهم حلو بهالمناسبة

لووووول

لحد الان الموقف عاادي جدا جدا

الي صاار

الساعة 9 بليييل

ياي خالي يزوورني

وطبعا خالي هذا متدين جدا جدا جدا جدا

ماشاء الله علييه

واهو بنفس عمري

وطبعا ماخذ عني فكرة ان لو اسالووه عن العشرة المبشريين بالجنة ممكن يغلط ويحط اسمي معاهم

لوووووووووووووووووووول

استغفر الله

بس صج صج اهو حااط بباله عني جذي

المهم الساعة تمشي شوي شوي شوي شوي

وانا اترقب

وتصيير الساعة عشر واهو موجوود

وشنو الساعة عشر يعني شفت يديييد

وهيصة وزمبليطة من يديييد

وانا حدي مترقب الموقف

اشوي والا الباب متبطل والشفت اليدييييد مال الليل باكمله

داش من الباب وشغالين اغاني

وكونغراتليشن

وهابي مادري شنوو فور يوو

لوووول

والاهم أن الكل لازم يصافحني ويبارك

ياسلاام على الموقف
جدام الخال العزييز

وخصوصا ان الستاف باكمله من الجنس الاخر
ويصافحوني ويربتون على كتفي

يعني نوع من المؤازرة

والتعاطف

والسالفة تطورت الاغاني زادت

والهيصة زادت

وانا ويهي انقص

ماكان ناقص الا اني اطق لهم اصبع ونسوي الغرفة مسرح

لوووووووووووووووووووووول

والخال العزيز قاعد يرمقني بنظرات غريبة عجييبة

يمكن ورى هالموقف صنفني اني اخر شخص يطلع من جهنم

قبل جهينه
لووووووووووووووول

وانا بس اتبوسم من كثر ماانحرجت

طبعا مو من الستاف انا معاهم عادي لو برووحي جاان انا قدت الاوكسترا

ماعندي مشكلة ابدا

وطبعا قمت ووزعت علييهم حلو

وعقب مابدعوا

بالرقص والاغاني

ونزلوا سمعتي للحضيض

مشوا بعد

ماغيروا فكرة الخال العزيز عني


4527 درجة


=========================


إنتظار المجهول إحتضار للنبض والأعصاب والنظرات!

يا .....

متى تنفذ حكم الأعدام بمشاعري؟


فقد سئمت سجن إهمااالك !!!



مديلي يدك من خلال الموووج

فإنــــــــــــــــي ألفظ أنفاسي...