Saturday, August 25, 2007

حالف خداعي


ما في داعي تبجي بوداعي

إنت مودعنى من سنين و زمان

ومركبنى بيدك قــطــار الــنــسيان

من ذكّرك..؟

وإنت اللي نـــاسي

وإلا بتشوف

دمعــــة إحساسي!!

مــافي داعي

مليت تمثيل العــواطف

ياما وياما جرحني

شوك كلمات الشفايف!

حتى بوداعي ....حالف خداعي!!


*********************

أحب هـذا اللؤم في عينها

وزورها أن زورت قولها

أكرهــها



Monday, August 20, 2007

سهر الليالي



للتو انتهينا من رحلة سهر الليالي

ههههههههههههههههههه

نفس ما أطلق عليها بو علي

على فكرة حسين كان قااعد معانا بالديوانية ودعييناه للرحلة ومع انه عنده اجازة رفض يرافقنا

على الرغم من ان نحن الاربعة الباقين ورانا دوامات بس كلنا قررنا نسوي طاف

نهبسن على حسب ماصرح بوو علي

وانا الصراحة ضحكت حييل على هالمصطلح


وطبعا لان في اثنين من الشبااااب نفسياتهم تعبانة جدا من الزواج قرروا ان اليوم يخربوون اي براامج ويكشتووون بالدوام والبيت وكل شي

وبحضوري طبعا وكنت احثهم بشدة على هالامرواخذت الموافقة منهم وتم تسليمي القيادة
وطبعا بالبداية كل واحد طرش مسج انه الليلة بتاخر حييل وسكر موبايله علشاان تتم الرحلة
بنجااح

كان هذا الشرط الاساسي علشاان تكتمل الرحلة


وقدرت اني العب بعقولهم و تميينا للفير بالديوانية وبعدها رحنا مطعم السعااااااادة

هذا المطعم بشويخ الصناعية علييه ريووقات مو طبيعية

مسبحة وفول وبصل وخلطة بييطة

وطبعا مع السوالف والضحك

والاندماج الزايد
جان اطق دولكة الماي

وينكت الماي على القاع وتطيح الدولكة

وتصيير خبصة
هههههههههههههههههههههههه
عادي متعود على التربيد

مو شي يديييد

لوووووووووووووووووووووووووووووول

وطبعا كانت الرحلة تشمل صاحبينا اياهم
وانا وواحد من الشبااب

وبعد الريووق قتلهم لازم نهضم ونرووح نتمشى اشوي على البحر وتم الموافقة بشدة
هههههههههههههههههه

واحنا في خضم المشي ولا تمر علينا وحدة تركض بالنقاب والعباة

تسوي رياضة الركض بالنقاب والعباة شي اول مرة اشووفه

انزيين هذي اشلوون تتنفس جذي مادري

عااااد انا اقترحت اننا نرقم ام نقاب ونتحرش فييهاا
وكنا للتو شايفين فيلم

فييه نجلاء قتحي على البحر وايوون ثلاث شبااب يسوون علييها دائرة

ويبوون يتعرضوون لها بس يطلع البطل محمود ياسين وينقذها

طبعا انا اقترحت علييهم انهم يسوون الدائرة

وانا اطلع اطقهم وانقذها

وتحبني وتصير نفس قصة الفيلم

بس خفت يطلع تحت النقاب شي لا يمت بصلة لنجلاء فتحي

ممكن تكون شبيهة ثريا البقصمي

او امل عبااس

ههههههههههههههههههههههههههههههههههههههههههه

وتفركش الاقتراح


هههههههههههههههه
نرجع حق محور حديثا وربعنا بتووع سهر الليااالي
وانا ببالي اني اليووم منومهم برة يعني منومهم برة

وبعد المشي على البحر قزينا اشوي بالسيارة وهالسوالف الطيبة وضحك

وبعدين تذكرنا فيلم سهر الليالي وكل واحد منا تقمص دور

عاد شنو كان ناقصنا بس المشروب وفتاة الليل

وانا اسحب منهم الحجي بهالموضوع وفاتح الريكورد مال الموبايل علشاان ابتزهم


هههههههههههههههههههههههههههه

بس انا ماعندي القدرة اني اوفر هالاشياء

علشاان جذي صار علي انقلاب وتم سلب القياادة مني

ههههههههههههههههههههههههههه

وبعديين وصلنا البييت تقريبا وكنا متراهنيين اي طرييج اقرب حق البييت

فانا قمت ورديييت من يد ويدييد للنقطة البداية وييينا من الطرييج الثاني علشاان نجرب منو اقرب

هههههههههههههههههههههههههههههههههه

خو مااكو شغل

وواحد من الشباااب بطل تلفووونه بالخش والدس

طلع حده جباان



ولا مكالمة بعدها قاام يدعي انه نعساان يبي يناام

شكله تهدد بشدة

ههههههههههههههههههههههههههه

عااد كنا بنص طريج العودة

وبما اني حالف اني الليلة انومه برة

قمت امشي بشوييش بشويش

والاخ يتذمر يدعي انه نعساان

صج نسيت اقول نقطة مهم جدا السوالف كانت جدا ممتعة بس للاسف غير مسمووح بنشرها تحذفها الرقاابة

هههههههههههههههه

وعقب مواصلنا لنقطة تجمعنا الي اهيا الديوانية وكانت ببيت حسين

واخوه كان ويانا

انا اقترحت اننا نبشر سيارة حسين علشاان نخرب عليييه اي شغل عنده الصبح

ههههههههههههههههههههههههههههههه

وللاسف الشبااب ايدووني بشدة

وقمنا بنشرنا تايره واهو نايم
ههههههههههههههههههههه

خله الصبح بالحر يصلح بنشر

هههههههههههههههههههههههههههههههههههه


وبعدها كل وااحد رااح بحال سبيله

طبعا انا مانمت لاني متوقع باي لحظة يدق علي واحد من الشبااب يبي مكاان يناام فيييه

مطروووود من البييييييت

ههههههههههههههه

خو ربعي واعرفهم خرطي


خـــــــنــيـــــــوات

هههههههههههههههههههههههههههههههههه

Wednesday, August 15, 2007

the losser winner




قبل يومين كنت قاعد أتسمع محطة المارينا برنامج سبيد

ولفت نظري سهولة الأسئلة وقلة الفائزين

جان أقول شسالفة ليش قليل إللى يفوزون مع إن الأسئلة جدا سهلة

قررت في لحظة جارفة إني أستل هاتفي النقال وأطرش مسج علشان اتحدى هذا الاسامة وسبحان ا لله دقوا علي بعدها بربع ساعة وقالولي خلك بالإنتظار طبعا أنا على طول دقيت على حسين

وقتله اسمعني راح اطلع على المارينا بس طبعا الاخ مو مصدق كالعادة على باله اقص عليه
ولكن انا فزت واهو للحين يجر اذيال الخيبة
هههههههههههههههههههههههه

و كانت الأسئلة سخيفة جدا قدرت أجاوب عليها بمنتهى السهولة

بس أهم شي إنهم لما دقوا أنا كنت قاعد أتعشى

عاد قلت حق اسامة ترا قومتني من العشا

قالي خلاص فوز وتعشا بالجائزة
وفعلا أنا أكلت بالجائزة بس تغديت ما تعشيت
:)
كان حرف الجيم

المهم فزت

عاد اليوم الظهر رحت لهم أنا مع أخوي وصاحبي

طبعاً عطيتهم البطاقة وأسمك ومادري شنو بعدين عطوني الجائزة

مائة دولار
كان شكلنا مضحك لما اخذنا المبلغ لأنها كانت ورقة وحدة من فئة المائة دولار

جان زين عطونا خمس عشرينات أو عشر عشرات قاصين علينا شوي

هههههههههه

مادري ليش أنا لما أستلمتها ضحكت حدي

بس إللى كانو معاي أستغلوني ،، قعدو يقولون لازم لازم تغدينا مالنا شغل

عاد أضطريت إني أغديهم ودفعت أكثر من الجائزة

:(

بس كانت تجربة حلوة حسيت إني مميز
هههههه

الواحد لما يفوز حتى لو كان الشي إللى فاز فيه مو مهم لكن الأحساس يكون واايد مميز

طبعا هذي مو اول تجربه حقي مع البرامج سواء بالتلفزيون أو بالأذاعة

شاركت أكثر من برنامج وكل مرة كنت أفوز

يعني أي واحد يبي يشارك في برنامج انا حاضر اساعدة بس ماعليه إلا إنه يجري اتصال بصديق

إللي أهو أنا طبعا

:))

Wednesday, August 1, 2007

بخيلة احساس



تعالي إلمسي إيــــدي
خلي الدم يمشي بوريدي
وإشعلي النار بجــــــليدي
أبتنفس أنفاســــك الزكيّه
ياالبخيله بإحساسك عليّه
أعاني من فقـــــــر حِنِّـيه
ولمستك هيّه الدوا هـيّه
تمتمي بإسمي 20 مره

وأشربيني لأخــير قطـره


أبي إحساسك الحلو
يغرقني بحلم وَصـَـحُو

أبي تشوفين دمعاتي
وتضحكيـــــــن لنكاتي
ياالغايبه الحاضره..
وشوكه بالخاصره...
ولي متى هالقسوه
وروحي الصابــــره