الاسبوع الي فات رحت سجلت بالثانوية العامة منازل
لاني قررت اعيد الثانوية العامة
ابي اجدد شهادتي واييب نسبة عالية وادش الجامعة
لاني والحمد الله شااطر بالدراسة
بس ليما كنت بالثانوية العامة قبل عشر سنوات تقريبا تعرضت حق ظروف صحية
شديييدة وخلتني انجح بنسبة ماتدخلني الجامعة مع ان نسبتي كانت انجاز بالنسبة لظروفي
وبعد ماخلصت الامتحانات تمييت مشغول بهالظرف الصحي ليما تجاوزته
والصراحة ماطرت على بالي فكرت اني اعيد الدراسة
ودرست باحد المعاهد الخاصة واخذذت دورات وايد
واخذت فييهم شهادات عالية
ساعدتني على اني اتوظف برواتب جيدة بالقطاع الخاص
بس بالفترة الاخيرة بدييت احس بالفرق بدييت اكبر واشووف مافي اي مجال ان اترقى بوظيفتي بدون
شهادة جامعية
ورحت الجامعات الخاصة سمعت انهم يعطون منحة
لاني بصراحة ماقدر على تكاليفهم
او بالاحرى راح تخليني اعيش بطريقة
حريصة حبتيين
عموما قلت مابدهااش اعييد الثانوية
واييب نسبة يمكن تدخلني جامعة الكويت
او جامعة ثانية
والحيين انا شااد حيلي وابي احط مدرسين
لاني بصرااحة نسييت اللغة الفرنسية البتة البتة
واذا في احد منكم يعرف معهد زيين باعطاء حصص
بالفرنسي
اكون له شااكر
اما باجي المواد انشاله مقدوور علييهم
وعاجبني حييل جو الدراسة ههههههه
ودي احصل وااحد من الشبااب الازقرتية بالثاانوية يضبطني ببعض الاموور
براشيم شغلات جذي سمعت انهم بالسنييين الاخييرة
يمشوون يبي يتخلصوا من طلبة النظام القدييم
وجنه بعد هالسنة اخر سنة حق الثانوية العامة العادية الي نفسي
فقلت استغل الفرصة
وانشالله ربي يوفقني
واصيير طالب جامعي بعد زمن طوييل
مر على هالمرحلة
ههههههههههه
وبس وياليت عن جد اذا في احد يعرف مكان يعطي
درووس بالفرنسي ويكوون شي زيين
يدلني علييه واكوون شااكر.......
17 comments:
:D
HAPPY
HAPPPPPPPPYYY
HAAAAAAAAAAPPPPY
مبروك مقدماااا التفوق الباهر
و عسى الله يبارك لك بتعبك و جهدك
و ان شاء الله تنام و تقوم
الا نااابليوون
متلبس عقلك بس عشان الفرنسي
اسألك عن مدرس فرنسي سمح
موووفق ان شاء الله تستاهل كل خير والله
زييييييييين اتسوى والله فرحنى البوسسست
خطوه ممتازه ودام فيك الحماس لا تتردد
توكل على الله والقلب داعيلك
واتمنالك التوفيج
الله يحفظك يا ترستن
خطوة جميلة
و بادرة طيبة
\
It's never too late for this kind of decisions.
بداية خير
::
موفق إن شاء الله
Best of luck : )
و خلك بعيد عن البراشيم, ترى طعم النجاح حلو و الأحلى إنك تكون ماخذه بجداره ; )
والله أهنيك من كل قلبي على هالخطوة
تفكيرك فعلا ممتاز .. ويللا عقباال ما تنجح بذيج النسبة (فوق التسعين) وتدخل الجامعة ياارب
.
.
أما الفرنسي
أعتقد الجامعة مسوين دورات لتعليم اللغة الفرنسية
أسألك إن شاء الله
.
.
موفق يارب خيوو
وايد ونستني
احب الانسان الطموح
لان ماكو شي اسمه فات الفوت
الله يوفقك
وللاسف بالنسبة للفرنسي
ماعندي فكرة
شي طيب والله :)
عسى الله يوفقك ويسهل عليك
مبرووووك و موفق يااارب
على الفرنسي والله اسالك
بس بغيت اسالك شنو يعني ثانويه منازل؟
عفيه قولي لانه عندي ناس يبون يكملون بس المسائي مو ماشي عليهم و على وقتهم؟
اذا مافيها كلافه انه تشرحلي شنو يعني اكون شاكرتلك
موفق يااارب
salzm...
واي فرحت اكثر من ما تتصور
تستحق النجاح
تستحق التميز
تستحق كل شي جميل بالدنيا
الدنيا تحتاج تعب بس لذه الانجاز والاحساس بالنجاح راح ينسيك كل شي صدقني
:)
الله يوفقك يارب ويتمم عليك وتبشرنا بالنتايج الطيبه دايما
اذا لقيت رقم مدرس بحطة لك
اللي اعرفها مدرسه وما ادري الحين وينها عايشه ولا ميته
لبنانيه شمحوووطه
:)
الله يوفقك يارب
a7La eNG
اهلييين
هلا وغلا
انزيين اذا انا نابليون منو
جوزفين
ههههههههههه
ومشكورة يعطيج العافية
charisma
مشكووورة
على دعواتج
والله يوفق الجميع انشالله
نورتيني بحق
يسلمو ديااتك
KeChie-ChaN
يسلمووووووووو
كتيير
انا كل يووم اقرا الكومانت مالج
احسه من اكبر الدوافع لي
الله يعطييج العافية
وانشالله الكلام عن البراشيم مجرد
قفشات
هههههههههههههه
وعلى فكرة انا كتير مرتاح بشغلي ماديا وعمليا
بس المستقبل يطرح تساؤلاته
من شان هييك فكرت بهالخطوة
يسلموو
SHAHAD
مشكوورة شهوود
على هالكلمات الطيبة
ويزاج الله خير
وانشالله الله يوفق الجميع
وانا بانتظاارج معلوماتج
مرسي كتيير
PearL
هلا والله ببيرل
تسلميين على دعمج المعنوي
والله كريم
وفعلا مافي شي اسمه فات الفوت وعلى فكرة انا
طول عمري افكر بهالشي بس الظرووف كانت
ماتسمح
واتوقع الحيين حان الوقت بشدة
مشكوورة
Najmah
هلا وغلا
شرفتيني الصراحة بمروورج
يسلمو كتتير
والله يوفق الجمييع
5roofa
هلا بخروفا
الحمدالله على السلامة
تو مانورت الدييرة
وبالنسبة للمنازل اهيا تقريبا سلف ستدي
يعني يعطووونك الكتب والمقرر
وتدرس برووحك
وبس تمتتحن الفاينل
باخر السنة
وبس
لاشي اخر
واذا تبين اي شي اخر انا حااضر
esTeKaNa
حيالله استكانة
نورتي بكل معنى الكلمة
تسلميين ومشكوورة
على هالاحسااس الجمييل والكلام الاجمل
فعلا اخجلتيني
وبالنسبة للمدرسة
اتوقع شي جميل اخذ الدروس على يد استاذة لبنانية شمحووطة
هههههههههههههههههههه
ههههههههههههههه
سوف يكون للدرووس معنى
ههههههههههههه
مشكوورة ويعطييج العافية
وانشالله استااذتج تكون بخير وصحة
مشكوورة جدا
الفولتير: معهد عريق وقديم في الكويت متخصص لتعلم اللغة الفرنسية.. اعتقد مكانه بالجابرية صوب المدارس الخاصة
أن تنجز متاخرا أفضل من أن لا تنجز
تمنياتي لك بكل التوفيق
Post a Comment